LAPYNKMEN

.

Hapdeng ka shnong kaba bunbriew
nga im nga suk kynjai
nga shad kamon kadiang ha lyer ba sieng
ym don khuslai ym don sngewsih ne tieng

la ki khmat nga khmied sha ki lum ki them
ki er batemon ki kaweh ki pyndem
dohnud jonga ban iohi katne
dik dik ka kyndeh ban rynsied ym banse

katba nangmih ki sngi ki ia
iaphi nga sdang ban pyrkhat bha
marwei nga shong nga sngew lynga
namar iaphi nga iap mat shisha

kumba u tiewkulab ba sieng
u phuh lyngsyun ha kpen ba phieng
hapdeng ki tiew iwbih bunrong
ngan nai tiewlyngksiar ne tiew mationg

Hato phi don  jadu aiu sha
Ba ianga phi pynlynga
Namar la nga thiah ne nga shong
Iaphi nga kynmaw dngong

Hooid ia phi nga la leh bakla
Lapynkmen sngewbha to map ianga
Namar ia phi nga ieid shisha
Ngam banse ban tur ban leh ruma.

Marwei nga long kum u Rynniaw
Mynsiem ka swai ummat ki jaw
Iaphi shisha ngam lah ban klet
Namar phi long kum u syiem halor ka khet.

Nga iaid lyngba ki lum ki them
Hynrei iaphi ngam lah ban shem
Ka met ka ringswai ka mynsiem kam tngen
Namar jongphi ko Lapynkmen

ka sngi ka sdang sep ka premmiet ka noh kjat
ki blang ki masi shala sem ki phai pat
hynrei mynsiem jonga kam kmen namar jongphi ko Lapynkmen

Khublei iaphi kHublei iaphi
ko syntiew ba ieid eh jong nga u Wanki
Khublei khublei ko Lapynkmen
Shongsuk ryngkat bad ka jingkmen.

©©©©©©©©®®®®®®®®®®
( IA KANE KA POITRI  LA THOH BAD PYNWAN DUR DA I WANKI  KAT KUM KA JINGSHEM JONG I HI MARWEI ).