BALEI SHA LA KHOT KA SOHRA

BALEI SHA LA KHOT KA SOHRA

DON LAI TYLLI KI TYMMEI ;

BA NGI LAH BAN RING KSAI ,

BAN BSIAT MARYNTHING BAD BAN BATAI;

HA KI SUR MYLLUNG KA DUITARA,

BALEI,SHA LA KHOT KA ‘SOHRA’.

KAT KUM KA KHANA KI TYMMEN , KAWEI KA THYMMEI KA IATHUH BA MYNSHUWA EH, MYNBA KA SOHRA KAM PAT LONG KUMBA LONG MYNTA, KA IEW KA HAT RUH KA DANG LONG HA ‘IEW-UM-LENG ‘, HA KA JAKA KABA KI KHOT KA ‘SHLEM’ KABA DON HA KHLIEHSHNONHG (SOHRA). HA KA TA KA POR LA DON HA KHADARSHNONG U WEI U BRIEW UBA KYRTENG U ‘RA –UDIUAK ‘ UBA LA KHOT IEID DA BAROH U ‘RA’.

            UNE U SHAIT LEIT DIE SOH BARABOR SHA IEW UMLENG , HYNREI MANLA KA IEW SHUWA BAN POI HA IEW U SHAIT SHONG THAIT SHUWA HA UWEI U MAW SHONGTHAIT U BA DANG DON HADUH MYNTA RUH. UNE U MAW U DON HA IEW BAH SOHRA BA MYNTA BAD UDEI U TO U MAW UBA MYNTA SHAIT SHONG U KHAR KHAPSHNUIH (NAPIT) . UBA DON HA SYNDAH KA BASA LAITIAM(LAISHNONG)KATBA U DANG SHONG THAIT KUMNE , KI BRIEW KI BRIEW KI BA SHONG HA KATO KA JJAKA KI WAN THIEDF SOH NA U  BAD DON KA POR BA U HAP BAN KIT SA KA KHOH THYLLI NAMAR BA U LA DIE LUT HANGTA . KUMNE KA LA JIA LONGH BARABOR BAD MAN KA SNGI IEW HABA U TANG SHU POI HANGTA KI KHYNNAH KI LA IA PYRTA : “U’RA!U RA! U LA WAN, MEI AI PISA BA NGAN LEIT THIED SOH NA U RA ”. DA KUMNE KI KHYNNAH KI IA HYLLA WAT KIBA LA RANGBAH LA SAN RUH KI IA ONG IA NGIN IA LEIT THIED SOH NA U RA . SUKI SUKI IA KANE KA JAKA LA KHOT KA “IEW SOH-U RA”. HADIEN UNDA LA PYNKYNRIAH NOH NA KA IEW UMLENG HA KA NE KA JAKA BAD LA TIP NOH KUM KA IEW SOHRA BAD I KA SHNONG PAT LA TIP KUM KA “ SHNONG SOHRA .”

            2. SA   KAWEI PAT KA THYMMEI PAT KA  IATHUH BA KA KYRTENG “SOHRA” KA WAN NA KA KYRTENG “PHRA SHNONG”.HABA RING KSAI NA KA JIONGIATHUH KHANA KI TYMMEN SHANGPHANG KANE KA THYMMEI , LA SNGEWTHUH BA KANE KA “PHRASHNONG” KADEI KA SHNONG BA LA BUHAI SHNONG NYNGKONG DA KI KHADAR KUR JONG KA HIMA SOHRA BAD U BUHSING LYNGDOH , UBA LONG U SYIEM BA NYNGKONG DUH JONG KA HIMA SOHRA.

            KA KHANA KI TYMMEN KA IATHUH BA HA KA POR BA U BUHSING LYNGDOH BAD KI KHARAR KUR KIDANG SHONG  HA ‘ KYNTURSNIANG ‘LA KHIE KA THMA KA BA JUR HAPDENG  U KHADHYNRIEWSHNONG (MAWPHU)U TRAI HIMA BAD U LAISHNONG(SOHBAR, LAITIAM BAD RYNGUD )U BAR HIMA NA KA DAW BA KI IAKNIEH IA KA JAKA KABA HA PHUD KA WAM UMIONG BAD KA KHLIEH RIAT WAH RISAW. KA JINGIA DUNG IA PYNIAP BRIEW HA KANE KA THMA KALONG KA BA SNGEWSHYRKHEI . U BUHSING LYNGDOH RYNGKAT BAD KI KHADAR KUR KI TANG SHU TIP IA KANE BAK – BAK KI LEIT BNA LEIT KREN PYNIASUK . KA JINGNANG U BUHSING BAN TAI IA KA NIA KA JUTANG BAN PYNIASUK , KA PYNLONG IA BAROH ARLIANG MAMLA UM TANG BAN IASUK HYNREI BAN IA LONG NOH KAWEI KA HIMA HAPOH KA HIMA KYNTUR SNIANG.LADA U BUHSING RUH U KUBUR BAN PYNIASOH IA KA HIMA BAD IA KA RAID JONG KI . BAD HADIEN KANE KA JINGIATEH JUTANG BAD KITEI KI RAID U BUHSING LYNGFDOH RYNGKAT BAD KITEI KI KHADAR KUR KI LA HIAR NA KYNTUR SNIANG BAD KI LA BUHAI SHNONG HA KA JAKA KABA KI KHOT “ KA NONGLBA”.KA JAKA KABA HADIEN KI KHOT KA “NONGBAH”,BAD MYNTA KA “NONGSAWLIA”.HADIEN BA KA JING IA SAH JONG U BUHSING BAD KI KHADAR KUR KA LA KHRING BADF PYNITYNNAD SHIBUH IA KI NONG WN SHONG SHNONG HANGNE, KUMTA KANE KA SHNONG KA LA NANG HEH NANG HEH BAD KA LA NANG MIH BUN KI KYNTOIT SAWDONG JONG KA DA KA JING WAN SHONG SHNONG KI KHUN KI TNAT KHUN SKHOR JONG KA HIMA . KI NE KI SHNONG RIT KI KYNTOIT KI KYNTHUP LANG IA KA NONGLBA ,KI DON HADUN PHRA SHNONG NE PHRA KYNTOIT,BAD KA KHOT IA KA DA KA RAID PHRASHNONG. KAT NANG IAID KI SNGI KANE KA  LAH NANG HEH NANG HEH BAD KI LA IASOH LANG KAWEI BAD PYNLONG KAWEI KA NONGBAH LA KHOT IA KA ,KA”SOHRA”,KABA MUT KA SHNONG  BA LA IASOH DA KI PHRA TYLLI KI SHNONG RIT NE KYNTOIT (KUMTA “SOH” KAWAN NA KA KTIEN ‘IASOH’BAD  ‘RA’ PAT NA KA KTIEN PHRA ). WTAT HADUH MYNTA RUH KA SOHRA KA PAW TANG KUM KA SNEP NE KA SOP,KA KYNTHUP HAPOH JONG KA BUN KI SHNONBG RIT NE KYNTOIT (DONG) HA LA KI KYRTENG BAPHER-BAPHER....

            3. KHATDUH EH LADA NGI PHAI SA SHA KAWEI PAT KA THYMMEI KA IATHUH BA IA KATEI KAJAKA BA LA KHOT KA ‘SOHRA’ NAMARBA KA DEI KA JAKA NA KA KHYNDEW JONG U ‘SOH ‘ BAD KA ‘RA ‘ JAIT ‘SOHKHIA’.KANE KA THYMMEI KA IATHUH HADIEN BA U BUHSING U LA SHONG HA NONGLBA U LA NANG PYNHEH IA KA HIMA BAD U LA THIED IA KA KHYNDEW NADUH IINGKHRONG RIM HADUH SIAT –U DEI NA U SOH BAD KA RA JAIT SOHKHIA HA KA DOR 30 KHOH SBAI. HADIEN BA U LA THIED IA KA NE K AJAKA U SA PYNSHONG PYNSAH IA KI KHADAR KUR HANGTRA U PYNSHONG IA KI TER TER NADUH IINGKHRONR RIM HADUD SIAT-U –DEIHA KI PHRA JAKA(IMAT DEI HANGNE BA SA MIH KA KYRTENG PHRA SHNONG). U PYNSHONG IA KI HA KATA KA RUKOM BA KIN LONG KUM KI NONG AP IA NONGKER NONGDA IA KA SHNONG JONG U KA NONGLBA BA KIN APTHAP BAD PEIT NGOR IOH DON U SIAR U DUSMON UBA WAN SYNTIAT NE HIAR TJHMA KYNSAN IA KA IING SHONG JONG U BAD IA KA HIMA HI BAROH KAWEI. KUMTA DON KIBA IATHUH BA KA KYRTENG ‘SOHRA’ KAWAN NA KA KYRTENG JONG KITEI KI NGUT SHIPARA (U SOH BAD KA RA JAIT SOHKHIA )KIBA LONG KI TRAI JONG KATEI KA JAKA ....