KA SHNONG SOHRA BA DON U PARALOK NGA

Haba nga peit sawdong jong pha,
Nga kmen nga dap da jingsngewbha;
Ka jaka ba nga ieid ka shnong Sohra, 
Ka shnong ba kha ba pun ia nga.

Ki lum ki them ba paw shynna,
Ki riat ki ram kiba i ma;
Nangta u kiew u lyoh nylla,
Ban pynphyrnai iapha ko shnong Sohra.

Ka shnong ba pawnam ha ka akor ka burom,
Ka shnong ba dang pynneh pynsah ia ki parom;
Ka shnong kaba shai ha ka ktien ka thylliej,
Ka shnong kaba u Mynder u iap biej.

Mynsiem ka kyndeh,
Jingpyrkhat  sha pha ki beh;
Wat tymmen bym lah iaid shuh ,
Tang poi sha pha ki rkhie sahuh.

U lappraw  u wan pyntngen ,
Ki khynnah ki  sngew kmen;
Ka lyer ba beh jai jai ,
Ym don ki ban khuslai.

Mano ban ong bad tip ianga ,
Ba nga thoh jingrwai shaphang jong pha;
Katno nga sngew sarong shisha,
Ba dei u trai shnong jong pha.

Teng teng haba iaid kai ha surok
La khana nga khlei ha la ki lok;
Ki tien ieid nga sei la lut ,
Sohra iapha ngam lah pynkut .

Khublei! Ia me ba ai mynsiem ianga,
Iame ngan ym klet shisha;
Namar me dei u lok babha ,
Ko lok baieid ko bah 'MEBA'.

Kane nga thoh sngewbha iame,
Ba nga dei u lok jong me;
Bun ki briew ki tip iame,
Da u'Syllen' ne u bah'Phre'.

Sa shisien pat Khublei ia me,
Ko bah Syllen ne ko bahPhre;
Namar me dei u lok babha,
Men sah kyrteng  te u MEBA.

       °°°°°°^°°°°°°°°°°^°€°°°°°°°

[ KANE KA POITRI LA THOH SNGEWBHA  DA U WANKI IA U MEBA . KI BA IADEI SHI PARALOK BAD KI BA SAH  HA SOHRA]