KI KTIEN TYMMEN NA SAWDONG LYNGWIAR DPEI, U MENBARIM.

MYNNOR  BAD MYNSHUWA  U  KHASI U IALAP IARIEW  , U SNENG U KRAW IA KI KHUN BAD IA KI LOK DA KA KTIEN KA BA LYNGKOT ,HYNREI KABA JLAN PAT HA KA JINGMUT. KUMNE MAN KA POR SHA POR U IAI PYRTO IA KI KHUN ,KI LOK  BA KIN YM LONG KI BA SAH DUM HA KA JING LONG BAD RUKOM IM JONG KI BA HALA KI SNGI KI SNGI.
  MYNTA KA POR PAT KINE  , KI ' TIEN SBAI KI LA NANG JAH SUKI- PA- SUKI, KHLEM DON SHUH BAN KREN NE IALAP  KATBA NANG IAID KI SNGI KI IIA . KHYNDIAT KI BA DANG DON IA KI PAIEID MEI IEID KI DANG IOH SNGEW HYNREI KIM TIP PAT IA KA JINGMUT , NAMAR KI SALIA BAN KYLLI NE KIM NUD BAN KYLLI  BAD RUH KA LAH BAN LONG BA KI THAIT BAN KYLLI  NABA KI SNGEW POH BAN KREN IA KITA KI KTIEN , NABA LA JUBOR KA TIEN NONGWEI  NONGAR .BAD KIM SNGEW IAHAP SHUH RUH BAN IA KREN DA KA KTIEN LAJONG .DEI NA KINE KI DAW  KABA LA PYNLONG IA KA KTIEN TYMMEN JONG U KHASI BA KA LA SDANG RING SDOT BAD SDANG HIAR KAT BA NANG MIH KI SNGI KI IIA .
   TO NGIN IA PEIT IA KITA KI 'TIEN  SBAI 'TIEN TYMMEN  JONG U KHASI HYNDAI JONG NGI KIBA U JU PYNDONKAM  HA KITA KI POR , KAT KUM KA JINGIOH LUM JINGTIP NA KI BA DANG KYNMAW BAD IAI KREN , KHNANG BA KAN YM JAH NE DAM NOH NGI DEI BAN IALAP IA KREN NE BAN SUMAR IA KI , NAKA POR SHA KA POR.
 
               "KI 'TIEN TYMMEN"

AKHER KA SNGI : KA SNGI BISHAR KHATDUH U TRAI NONGBUH , NONGTHAW.
AI KHAW DUH: BA LA SHAH KYNTAIT
AI KSEW : BAN THWET  , KUM KA RUKOM U KSEW .
AI LAIT LAN: BA IOH MON  BAN LEH PYRSHAH.
AR MET:BAN LONG KUM SHI ING HA BAROH KI LIANG.
BA DON BA EM: PAHUH PAHAI KA IOH KA KOT.
BAI- KLIAR WAIT: JINGSIEW HADIEN KA THMA ; KA SUT JONG KA JINGJOT.
BAI- MYNRAIN KHMAT:KA JINGSIEW NABA PYNLEH RAIN IA KA BYM DEI HOK.
BAM BNAI : KA KYNSHEW DAP BNAI.
BAM KWAI HA ING U BLEI:KA TIEN IEID BA IALAP IA U BA IAP .; KA JINGNGEIT BA KI IA BAM KWAI PARA KUR PARAKHA HA IING U BLEI.
BAM HYNROH U BNAI: KA JINGSNIEW BA WAN LYNGSHOP SUKI PA SUKI  HA MAN KA POR.
BAM JA- KHLUIT:BA LEH NE TREI KHLEM PYRKHAT.
BAM SHITENG KPOH: BAM KUNAI ; TYNGKAI , KA JING DUK .
BAM TYNGKA: BA BAM SAP  ; KHWAN MYNTOI.
BUH IIA / KTIEN : KA JINGIA TEH  ; BUH SNGI.
KAMAI NONGKHYNRAW: KA IOH KA KOT U /KA  SAMLA BRIEW.
KHAM IBYNRIEW: KA JING KYLLA NA KANO KANO KA JING JOT NE SNIEW, .
KHEIN BRIEW : KA BUROM NE KA AKOR .
KHEIN DEWTHALA : KA JING BYM SUIDNIEW ; NIEW BEIN.
KHEIN DOH IAP: BA LONG MARWEI ; BA RAI KUT.
KHLA KA - WAIT: U RIEW KHRAW ; RIEW SHLUR .
KHLIENG - KA TYNGAB : KA SUR NE KHUBOR  BYM PAT SHAI HOK NE THIKNA.
KHUN PHRANG SNGI: U SHYNRANG MARWEI KA ING ; U KHUN NYNGKONG KA IENG.
KHYNDAI-PATENG -NIAMRA: KA DUJOK .; KA TBIAN  DUH JONG KA PYRTHEI ; KA JAKA KA DING BA RHEM BYM JU KUT.
KIEW LANG-TYLLI: KA JINGSNGEW SARONG ,HANGA MEI BA KHLEM  NONGRIM BAD KLET IA LA KA JINGLONG LADE.
KIT -IA PAR: KA JINGKIT  BA KHIA .
KREN DA THEW : KABA KREN DA PYRKHAT SHUWA .; U BA DON BUROM HA KA KTIEN NE THYLLIEH .
KREN LAP-LAP : KABA KREN KLUMAR KHLEM DA PYRKHAT ,NE SNGEWTHUH IA KA JINGMUT.
KREN MADAN: KREN KAI .
KREN -PAN KWAH:  KA JINGKREN NE PAN IA KA JING SNIEW BA KAN WAN JIA.
KSAN RYMPEI REM DORBAR: U 'RIEW BA KOP NA ING NE KYNDONG  HYNREI MARKHMAT YM NUD BAN IA PYNI.
KTHANG KTI: BA SNIEW KTI ; BYM IAHAP KTI ; BYM IADEI KTI ; HA KA LIANG KA THUNG KA TEP , IA LEH KAI .; TOH MET KTI.
KYLLA LIENG: KA JINGWAN LYNGSHOP KA NUSIB LA KA DEI KABA BHA NE SNIEW , HA JING IM BRIEW.KA NUSIB JOT.
KYLLA JAIN NEP:KA JING SHAH PYNJOT .
KYNDANG KWAH: U RIEW KWAH RHAH IA BYM DEI HOK MA U ,BAN IOH .
KYNDOI  JA KPOH:U BRIEW U BA DUK .; KAMAI MYNSNGI BAM MYNMIET  LANE KHONGPONG.
KYN- IH U SYIAR : DANG STEP PHYRNGAP .
KYN-IH KA -IAR KYNTHEI: KA JING SHIMTI NE KA BOR KA KYNTHEI HA KA KAM .
KYNJOH KHA SKAIN : KA RUKOM DUSTUR U KHASI HA KA SNGI SHONG TNGA  KI JU LEH SHUWA BAN RUNG HA ING.
KYNTHER  JYMBUIN: KHEIN DUH IA LA U KHUN.; KYNTAIT NE BEH NA LA KUR BAD ING   IA U / KA KHUN.
DAIN DONG : KA KUNA ; KA DAIT NIA IA KANO KANO KA JINGKREN NE KAM.
DA RAP JOT: KA JINGBUH RIH IA KABA LAH PAW PYRTHEI ; KAJING LEN .; KA DAW BAN IADA .
DIENG BYLLAN: U TYNGSHOP; U BRIEW UBA SHA PYNBOR NE HUKUM HA U WEI PAT.
DIENG SHAIN-DOH : U RIEW IAI SHAH ; U BA IAI SNGAP LADA U SHAH KYNNOH RUH NE SHAH LEH BEIN.
DONG SHI-MAT: U BYM LAH SET IA KA JINGSHISHA NE IA KAEI KAEI KA BA U TIP NE IOHSNGEW.
DOH KYNDANG: BA DON KTI LANG HA KANO KANO KA KAM BHA LANE SNIEW.
DOH SNIEH : U RIEW SHET SHUKOR ; MYNTHOK.
DUM -DNGIEM : KA JINGKUT LAD HA KA KAM NE JINGMUT.; JINGDUM  SNGAIN  BYM LAH BAN IOH I  IANO IANO .
NGUH-LET-SHNONG: JINGPAN MAP HA KHMAT KA SHNONG .
HAP SHOP: JINGNGAT HAKA JING SNIEW  NUSIB.
I - KHAR SOHLAH : U RIEW KOB.
ING MAKHIR: MYNSIEM KPUT KYLLIANG.
IAKAD MAW: KA JING PYNI BOR ; PYNIBUIT.
IAIA-KA-IENG: AKOR KA BUROM ; RUKOM IM ; JING LONG.
IAR -KRAD LYNTI : U NONGPYNI ; NONGIALAM  NA KA BYNTA KA JING BHA .
IATAI NIA: SYLLOK; PHYLLIEW JINGMUT; IASAID.
IIAWPAW-BAN IAP.
JIED SHIAH: KA JINGLONG KA BA JANAI BAD BA PYRKHING HA KANO KANO KA LIANG.
JI-EI:  KA RUKOM TREI BAD KA JINGMUT BA KHLEM IA HAP NE POI SHAEI SHAEI RUH.
LANG-THOH-LIEH: U BRIEW U BA SHAH KNIA HAKHMAT U THLEN .
LAI-PHEW JAIT: KYLLUM LUT IA BAROH KHOIT KI JINGTHAW BA IM BAD BA IAP
LAIT-KSUID /LAIT-KDAR: KA BOK ; JINGLAIT NA KANO KA KAM IAP  NE KANO KANO KA JINGTREI
LAIT DA KA SAID : JING LAH LAIT NA KAM IAP.
LAM DOH: JINGLEH BUROM HA BA POI SHONGKURIM NA BA ROH ARLIANG.
LAP LAH: BA KREN NE LEH KYRKIEH ; BYM PAT  IIAR HA KA JINVMUT .;
LAP LIENG : KA RUKOM KREN NE LEH KAM  NABA KYRKIH BA LAP BA  SLEM ; .
LAW LAW JINGMUT: U RIEW KHLUIT KHLIEH ; U KHOI KHOI MYNSIEM.
LYNGTHOH DOH : DA PEIT NE TBA SHUWA IA LA KA LYNGKDONG LAJONG SHUWA BAN KREN IA KI BRIEW.
MANGKARIANG KA DOHNUD : KA MYNSIEM NE JINLONG NIANGING NE BISHNI  ; KA PIHUIN MYNSIEM.
MEN -SUH-SYNTIEW: U/KA NONGIARAP IA KI KHYNRAW BAN PYNIALUH BAD KI THEI.
MYNKOI U JOM: KA DUJOK ; KA JA PYNSHITOM HADIEN KA JINGIAP.
NAI-KHAD-SAW-SYNNIA: U RANG KHYNRAW BA DON DUR DON DAR BAD KA BHABRIEW.
NAM SOP: U KHUN SHYNRANG;
NAP -KA-BILLI: KA JINGTEH JING KHUM.
PADIAH-KHLEMBAI-WAI: U RIEW BUN KTIEN; U BALIA MON BAD KA BYM IOH EI EI.
PANSHANDI -DEM LOR KHAH :KA BRIEW KA BA IAI AP IA LA U BRIEW HADIEN BA LA IA PHET.,BA YN WAN PHAI BIANG.
PAW PEN-RYNGKEW:KA JINGSHISHA  KABA LAH PAW SHAI ; KA HOK  KHADUH KA  MIH PYTHEI .
PHAN-EW: U / KA BRIEW BYM DON LA KA JONG KA RAI  NE KA LAD KA BA SKHEM
PYLLAIT  SAN-SHYIENG: KA JING IA PHET TNGA DA KABA KHUID BAD SUBA.
PYNSHAD -KHAWIANG: U/KA BRIEW  BA KYRNI HA KI JINGDIH BUAID .
SEW BNA LAD:U/KA BRIEW BA POI MAN LA KI JING KHAWAI NE SNGEWBHA  BA KHLEM DA IA WER NE KHOT.
SHADO-KI-SHAIDA:KI TYMMEN KI KRO.
SHUN THLONG-MLUH -THLONG- SYING: KA JINGIADOM NE BUHNUD SAH KHLEM IA SUK SHUH.
TEH SAI IONG : KA KULAR BA LA IA KUT HA SHUWA BAN IA POI- KHA.
THAP U DAP: U DUK U SUK ,; URIT U RIA.
TIEW LA LYNGNGI PEP SHAD : KA BRIEW KA BYM POI SHA KA KAM HADIEN BA LA KHREH .
WAN SHONG WIR SHONG THAP: U RIEW POI EI SHISNGI ; U KHYLLAH JAID NA KAWEI KA RI.
YM DON IKTIAR: U RANG BYM DON BOR  ; NE KA BUROM ;
YM LAIT KTI LAIT KJAT: U BRIEW BYM DON POR ; U RIEW BUNKAM.

     ÷÷÷÷÷÷÷÷÷÷÷÷÷÷÷÷÷÷÷÷÷÷÷
[KI NE KI LONG KITA KI KYNTIEN  KI BA JU IA KREN HA KITO KI POR BA KHAM MYNSHUWA, DON TANG KHYNDIAT KI BA NGI DANG PYNDON KAM  . TE NGA NGEIT SKHEM BA PHIN IA PYNDONKAM BHA IA KINE KI KYNTIEN  HA KA JING IM JONG PHI .] .
 
        … ^^^^^^^^^^^^^^^^^^^^^^…