KA DORBAR KHASI

Ka thymmei synshar thymmei saiñ hima ki Khasi ka mih
Na ka synshar paitbah ka bym pat ju don ha sla pyrthei. Ka
synshar Paitbah Pat ka seng nongrim halor ka rai jong ka dorbar.Ki hima Khasi kim lah ban ïeng lada ym don dorbar, namar
haba jía eiei ,dei ka dorbar kaba peit kaba khmih. Ka dorbar
Khasi ka ithuh lut ia ki sap ki phong jong ki khun dap Shynrang
kiba long dkhot. Kiba wan dorbar kim ju don ka mynsiem
kyndang kWah, ka mynsiem khwan-myntoi, hynrei baroh kl
wan da ka jingkhuid ka jingsuba. Ki rai jong ka dorbar ki long
barabor kiba shongnia, namar ki rangbah ki dang nud ban
kynshi ban dumok ia uno uba pyni jingkhwan ne jinglyngkot jingmut.

Ka dorbar Khasi ka ieng halor ka niam, ka kheiñ sang ban
wan dorbar uba anna ne u bym dap maiñ shynrang. Ia u briew
uba khlem tmaiñ kim shah wan dorbar. Ia u briew uba khlem
kur ruh kim ju shah kren dorbar, namar ki kheiñ iapduh 'iaptan
ia u. Ki ong be u lah ban kren lamler ruh namar um don jing-
tieng 'ia ka lait-kylla. Kito kiba dang khynnah than ka ryta ruh
kim 'ioh kiew dorbar. Ka ryta ba ki shah ka long naduh arphew
san haduh hynniewphew san. Ia kito kiba don hapdeng arphew‘
san bad sanphew ki khot ki samla samhoi‘, 'ia kiba la palat ‘ia ka sanphew bad ki bym pat palat ioh ka hynñiewphew ki khot ki
tymmen ki san, bad ia kito kiba la palat 'ia ka hynñiewphew san
ki khot ki tymmen ki kro.

Ki briew kiba ieng ban kren ki dei ban da ai nuksa de ía kaei kaei kaba la jia. Ki da pyni ne ki tip in kaei kaba ki kren,, u nongsaid-thma dorbar u dei ban don shibun ki jingtip shaphang kiwei pat ki khap-hima.

Ka dorbar kam lah ban sdang lada ym don ki bakhraw.Lada don tang u syiem bad ki paitbah. kam Iah ban long,Hynrei lada iadon tang u syiem bad ki bakhraw ka dorbar ka lah ban long. Kumjuh ruh tang ki bakhraw bad ki paitbah kilah ban pynlong dorbar wat lada um don u syiem. Nalor kata ía kiei kiba ka dorbar‘  ka rai dei ban da don sa ka jingpyrta
bad ka jingshula ba ki briew  kin tip. Ym ju don jingleh lyndet leh
buhrieh eiei.

U syiem, u patsha, u bakhraw ne u tymmen u san um don
hok ban leh eiei na lade ne na rieh, baroh ban da tip da rai lang
ka dorbar. U syiem um lah ban pynmih hukum eiei na la 'iing-
kur khlem da tip lang ka dorbar. Ban leit dei lei lei na 'iing-tnga
ki briew kim kheiñ snep eiei. Ki kheiñ kynsha, ki kheiñthaw-
nang pynban. Ki kheiñ ba ’ka dorbar ka long kaba khuid, ym ju
bit ban ia mai i'a kajia ne ban iaknieh ktien. Ban don ka jingpyni
dom ruh ki kheiñ sang, ban leit nud lei lei ban kren lamler ne
kren bitar, ne ban wan buaid wan tanglang. ki ju ong: “To khat
da u prah, wat ktah da ka kti ruh, shu khalah noh shapoh kharai.”
Ka dorbar Khasi, kaba shikyntien, ka bym kylla-khlieh kylla
tdong.

la ka dorbar Khasi, ki ju ong ruh ka 'Dorbar Blei’. Ka jingngeit jong ki ha u Blei ka pynlong ia ki ban isang ïa kano kano ka kam beaïñ.